Շախմատի Հայաստանի տղամարդկանց հավաքականին չհաջողվեց նվաճել Եվրոպայի չեմպիոնի կոչումը։ Ավելին, մեր հավաքականը տեղ չզբաղեցրեց նաև մրցանակային եռյակում։ Սլովենիայում ավարտված մրցաշարի վերջին տուրում Հայաստանի հավաքականը մրցեց Ուկրաինայի հետ և պարտվեց 1։3 հաշվով։ Գաբրիել Սարգսյանը սևերով զիջեց Անտոն Կորոբովին, իսկ Հայկ Մարտիրոսյանը սպիտակներով՝ Անդրեյ Վոլոկիտինին։ Ռոբերտ Հովհաննիսյանը սևերով ոչ ոքի խաղաց Կիրիլ Շեւչենկոյի, Սամվել Տեր-Սահակյանը սպիտակներով՝ Վոլոդիմիր Օնիշչուկի հետ։ Վաստակելով 14 միավոր Եվրոպայի չեմպոին դարձավ Ուկրաինան։ Ֆրանսիայի հավաքականը երեկ լարված պայքարում 2․5-1․5 հաշվով պարտության մատնեց Ադրբեջանին և նվաճեց արծաթե մեդալ։ Վերջին տուրից առաջ Հայաստանը, Ուկրաինան, Ֆրանսիան և Ադրբեջանն ունեին 12-ական միավոր։ Լրացուցիչ ցուցանիշներով, սակայն մեր հավաքականն ուներ առավելութուն և գլխավորում էր մրցաշարային աղյուսակը։ Ուկրաինացիներին նույնիսկ նվազագույն առավելության հաղթելու պարագայում չեմպիոն կդառնային մերոնք, բայց․․․։
Ֆրանսիան նվեր մատուցեց մեկ միավորի տարբերությամբ հաղթելով ադրբեջանցիներին, բայց մենք չկարողացանք օգտվել ընձեռված հնարավորությունից։ Երեկվա պարտության հետևանքով Հայաստանի հավաքականը բավարարվեց միայն 7-րդ հորիզոնականով։ Վերջին տուրում 3․5-0․5 հաղթելով հաղթելով Վրաստանին՝ բրոնզե մեդալը նվաճեց Լեհաստանի հավաքականը։ Իսպանիայի հավաքականը 4-րդն է, իսկ լավագույն հնգյակը եզրափակեց Ադրբեջանը։ Մրցաշարի գլխավոր ֆավորիտներից Ռուսաստանի ազգային թիմը ցույց տվեց միայն 6-րդ արդյունքը։ Հայաստանի հավաքականի գրանցած արդյունքն ինչ խոսք գոհացնող համարել չի կարելի։ Մինչև վերջին տուրը մերոնք աչքի էին ընկնում վստահ և կայուն ելույթով։ Նախավերջին տուրում Հայաստանի հավաքականը 3․5-0․5 հաշվով ջախջախիչ հաղթանակի էր հասել Սերբիայի նկատմամբ։ Նախորդ տուրերում էլ Հայաստանի հավաքականը 3․5։0․5 հաշվով հաղթել էր Բելգիայի, 2․5։1,5 հաշվով՝ Իսրայելի և Ֆրանսիայի թիմերին, 2։2 հաշվով ոչ ոքի խաղացել Նորվեգիայի, Գերմանիայի, Ադրբեջանի եւ Իսպանիայի թիմերի հետ։ Փաստորեն, վճռորոշ խաղում կրած միակ պարտությունը ճակատագրական էր մեզ համար։ Ինչև Եվրոպայի ավարտված առաջնությունը ցույց տվեց, որ Հայաստանն ունի մարտունակ կոլեկտիվ, որը առաջիկայում կարող է լուրջ խնդիրներ լուծել։ Ունենք նաև երիտասարդ կազմ և լիահույս ենք, որ առաիկայում կրգանցենք որակական ոչ։ Անդրադառնանք նաև Հայաստանի կանանց հավաքանի ելույթին։ Վերջին տուրում մեր թիմը 3։1 հաշվով առավելության հասավ Չեխիայի նկատմամբ։
Էլինա Դանիելյանը, Լիլիթ Մկրտչյանն ու Սուսաննա Գաբոյանն իրենց պարտիաները հաղթանակով ավարտեցին, իսկ Սիրանույշ Ղուկասյանը պարտություն կրեց։ Այս հաղթանակից հետո մեր հավաքականը որոշակի առաջընթաց գրանցեց և մրցաշարն ավարտեց 11-րդ հորիզոնականում։ Գրանցված արդյունքն ինչ խոսք բավարար համարել չի կարելի։ Մերոնց չհաջողվեց տեղ զբաղեցնել նույնիսկ լավագույն տասնյակում։ Վստահաբար կարող ենք ասել, որ Հայաստանի հավաքականի պոտենցիալը շատ ավելի մեծ է։ Չմոռանանք, որ ամիսներ առաջ Էլինա Դանիելյանը հռչակվել էր Եվրոպայի անհատական առաջնության չեմպիոն։ Ինչևէ, Նախավերջին տուրում Հայաստանի կանանց հավաքականը ոչ-ոքի 2։2 էր խաղալ Լիտվայի հետ, իսկ դրան նախորդած տուրերում 2․5։1․5 հաշվով հաղթել էր Խորվաթիայի, 3։1 հաշվով՝ Բելգիայի և Լեհաստանի հավաքականներին, 1,5։2,5 հաշվով պարտվել էր Վրաստանին, Իտալիային, Ուկրաինային, 2։2 հաշվով ոչ ոքի խաղացել սերբերի հետ։ Մրցաշարի ավարտից մեկ տուր առաջ չեմպիոնական տիտղոսն ապահովել էր Ռուսաստանի հավաքականը։
Երկրորդ հորիզոնականը զբաղեցրեց Վրաստանի թիմը, իսկ լավագույն եռյակը եզրափակեցին ադրբեջանցիները։ Վերջին տուրում Վրաստանը 2․5-1․5 հաշվով հաղթեց Ֆրանսիային, իսկ Ադրբեջանը նույն հաշվով առավելության հասավ Հոլանդիայի նկատմամբ։
