Ֆուտբոլի Իտալիայի ազգային հավաքականի հաղթարշավը Եվրոպայի առաջնությունում շարունակվում է։ Աշխարհի քառակի չեմպիոնը քառորդ եզրափաչկում պայքարից դուրս թողեց Բելգիային։ Իտալացիները ցուցադրեցին հերթական որակյալ և գրավիչ խաղը ապացուցելով, որ Եվրո 2020-ի հաղթողի հիմնական հավակնորդներից են, եթե ոչ հիմնականը։ Արդեն հանդիպման մեկնարկում Իտալիան կարողացավ գրավել Բելգիայի դարպասը, սակայն Բոնուչին խաղից դուրս իրավիճակից էր խփել գնդակը ու մրցավարը չհաշվեց այն: Հանդիպման միջնամասում երկու հավաքականներն առավել ակտիվ էին գրոհում: Խաղի 31-րդ րոպեին Իտալիան բացեց հանդիպման հաշիվը: Բելգիայի տուգանային հրապարակում արագ կողմնորոշվեց և գնդակն ուղարկեց մրցակցի դարպասը Բարելլան: Խաղակեսի վերջնամասում Իտալիան կարողացավ նաև երկրորդ գնդակը խփել: Շեշտակի հարվածով աչքի ընկավ Ինսինյեն: Բելգիան արագ հակագրոհեց և 11 մետրանոց հարվածի իրավունք ստացավ:
Այն դիպուկ իրացրեց Լուկակուն: Թիմերն ընդմիջման գնդակին 1:2 հաշվով հօգուտ Իտալիայի: Երկրորդ կեսում հանդիպումն ավելի արագ տեսք ստացավ: Իտալիան գրոհում էր, Բելգիան շեշտը դնում էր հակագրոհների վրա: Այս խաղակեսում այդպես էլ գոլեր չեղան և Իտալիան հաղթելով 1:2 հաշվով դուրս եկավ կիսաեզրափակիչ: Եզրափակչի ուղեգիրը իտալիան կվիճարկի Իսպանիայի հետ, որը երեկ հետխաղյա 11 մետանոցներով առավելության հասավ Շվեյցարայի նկտամամբ։ Հանդիպման մեկնարկից ընդամենը 8 րոպե անց խաղի հաշիվը բացված էր: Շվեյցարացիների կազմում ինքնագոլի հեղինակ դարձավ Զաքարին: Առաջին կեսում իսպանացիներն տարածքային առավելություն ունեին: Ի վերջո թիմերն ընդմիջման գնացին Իսպանիայի նվազագույն առավելությամբ:Երկրորդ կեսի մեկնարկում Շվեյցարիան միանգամից օգտագործեց իր հնարավորությունը: 68-րդ րոպեին դիպուկ հարվածով աչքի ընկավ Շաքիրին: Բաց թողած գնդակից հետո իսպանացիները ձգտեցին նորից գրավել մրցակցի դարպասը, սակայն անհաջող: Հանդիպման 77-րդ րոպեին ուղիղ կարմիր քարտով հեռացվեց Ռեմո Ֆյուլերը: Հիմնական ժամանակն ավարտվեց ոչ-ոքի ու խաղը տեղափոխվեց լրացուցիչ ժամանակ: Լրացուցիչ առաջին կեսում անթերի գործեց Շվեյցարիայի դարպասապահը` Զոմերը, բայց․․․:
11 հարվածաշարը որը շատերի պնդմամբ վիճակախաղ է ավելի բարեհաճ գտնվեց իսպանացիների նկատմամբ։ Ասել, որ իսպանացիներն արժանի էին կիսաեզրափակչի ուղեգրի միանգամայն ճիշտ չի լինի։ Ցուցադրելով ձանձրալի և միապաղաղ խաղ այս հավաքականն այնուամենայնիվ հայտնվեց առաջնության լավագույն քառյակում։ Այո սա ֆուտբոլ, որը հետաքրքիր է և գրավիչ նաև ոչ այնքան տրամնաբանական արդյունքներով։ «Շնորհավորում եմ Իսպանիայի հավաքականին։ Նրանք փորձում էին հաղթել, բայց հաղթեցին 11-մետրանոցով։ Հպարտ եմ իմ թիմով, իմ ֆուտբոլիստներով։ Հեռացումը շատ ազդեց մեր խաղի վրա։ Բայց մեր բոլոր ֆուտբոլիստներն այս երեկոյի հերոսներն են։ Եթե մենք դուրս գայինք կիսաեզրափակիչ, դա արժանիորեն կլիներ։ Չեմ կարող բողոքել, պարզապես հանում եմ գլխարկս ֆուտբոլիստների առաջ։ Խառը զգացողություններ ունեմ։ Մենք ցույց տվեցինք այն ամենն, ինչին ունակ էինք։ Հեռանում ենք բարձր գլխով, ֆուտբոլիստները կարող են հպարտանալ իրենցով։ Բայց մյուս կողմից էլ, մենք գրեթե կիսաեզրափակչում էինք, նման բան հաճախ տեղի չի ունենում։ Բայց ես, ավելի շուտ, դրական էմոցիաներ ունեմ։ Միշտ փորձում եմ դրականը մտածել։11-մետրանոցներից առաջ տղաներին ասացի, որ նրանք հերոսներ են, որ նրանք արդեն իսկ շատ բանի են հասել։ Պետք է պարզապես պայքարել մինչև վերջ։ 11-մետրանոցները միշտ վիճակահանություն են։ Այս անգամ մենք պարտվեցինք»,- խաղից հետո ասել է Շվեյցարիայի գլխավոր մարզիչ Վլադիմիր Պետկովիչը։
Վերջինիս հետ այո կարելի է համաձայնել։ Շվեյցարիան պայքարից դուրս թողեց Ֆրանսիային և կարող էր հաղթել Իսպանիային։ Ինչևէ, այսօր քառորդ եզրափակչի մյուս երկու հանդիպումներում Չեխիան կմրցի Դանիայի, իսկ Ուկրաինան Անգլիայի հետ։