Բեռլինի «Հերտա»-ի 28-ամյա հարձակվող Ադրիան Ռամոսը հաջորդ մրցաշրջանից հանդես կգա Դորտմունդի «Բորուսիա»-ում: Կոլումբիացու գործակալ Հելմուտ Վենինը հայտարարել է, որ ակումբն արդեն ֆուտբոլիստի հետ համաձայնեցրել է տրանսֆերի բոլոր պայմանները:
«Ռամոսի՝ «Բորուսիա» տեղափոխությունը կարելի է գնահատել չափազանց հավանական: Դեռ չեմ ցանկանում խոսել գործարքի մանրամասների մասին: Երբ Ռամոսի տեղափոխության մասին հայտարարվի պաշտոնապես, պատրաստ կլինեմ հրապարակել մանրամասները»,- գործակալի խոսքերը մեջբերում է Coplrensa-ն:
Տրանսֆերի արժեքը գնահատվում է 8-10 մլն եվրո: Գերմանիայի Բունդեսլիգայի ընթացիկ մրցաշրջանում Ռամոսն անցկացրել է 25 խաղ՝ խփելով 15 գոլ ու կատարելով 6 գոլային փոխանցում:
Հիշեցնենք, որ ընթացիկ մրցաշրջանից հետո «Բորուսիա»-ի լեհ հարձակվող Ռոբերտ Լևանդովսկին տեղափոխվելու է Մյունխենի «Բավարիա»:
