Մյունխենի «Բավարիա»-ի գլխավոր մարզիչ Խոսեպ Գվարդիոլան հույս է հայտնել, որ կարող է կիսապաշտպան Տոնի Կրոսին մրցաշրջանի ավարտից հետո պահել թիմում: Ավելի վաղ 24-ամյա ֆուտբոլիստը հայտնել էր, որ պատրաստ է առաջարկություներ լսել, եթե վերջնականապես որոշի լքել ակումբը:
«Ես Տոնիին ասել եմ, որ նա ժամանակ ունի լավագույնը դառնալու: Հուսով եմ, որ նա կպահպանի իր ներկայիս մարզավիճակը մի քանի մրցաշրջան շարունակ, և այդ ամենը հենց «Բավարիա»-ում: Տոնին երիտասարդ ֆուտբոլիստ է և մեծագույն տաղանդ: Նա շատ կարևոր էր «Բավարիա»-ում իմ առաջին տարվա համար, երբ վնասվածքների պատճառով բացակայում էին Գյոթցեն, Մարտինեսը և Ալկանտարան: Կրոսը ցույց տվեց իր անհատականությունը»,- Գվարդիոլայի խոսքերն է մեջբերում գերմանական մամուլը:
