Այսօր «Ուրբաթ» ակումբում կայացած մամուլի ասուլիսի ժամանակ Արթուր Աբրահամը պատասխանեց նաև բռնցքամարտին չվերաբերող հարցերի:
Լրագրողներից մեկի հարցին. «Ճի՞շտ է, որ դուք վարել եք Կալուգայի Սամոյի աղջկա հարսանիքը»: Արթուրը պատասխանեց. «Ոչ, ես ներկա չեմ եղել»:
Աբրահամը խոստովանեց նաև, որ Հայաստան գալու նպատակներից մեկն ամուսնությունն է:
«Ամուսնանալու միտք ունե՞ք» հարցին Աբրահամը պատասխանեց.
«Շատ լավ հարց տվեցիք: Իմ այս այցի նպատակը Հայաստան երկուսն են, որից մեկը դուք արդեն նշեցիք: Օբյեկտը կա, աշխատանքները տարվում են»:
Վերջում Արթուր Աբրահամն ասաց նաև, որ իրեն Հայաստանում շատ լավ է զգում:
«Հայաստանն ինձ համար ոնց որ դրախտ լինի: Այստեղի միայն հացն ու ջուրը, ժողովրդի վերաբերմունքը… Ես ինձ Հայաստանում շատ լավ եմ զգում»: