Այսօր «Ուրբաթ» ակումբի հյուրն էր միջին քաշային կարգում աշխարհի նախկին չեմպիոն Արթուր Աբրահամը: Գերմանիան ներկայացնող հայ պրոֆեսիոնալ բռնցքամարտիկը Super Six մրցաշարի կիսաեզրափակիչում Անդրե Ուորդից կրած պարտությունից հետո առաջին անգամ էր շփվում հայ լրագրողների հետ:
Պարտության պատճառն ըստ Արթուրի նախապես ընտրված սխալ մարտավարությունն է եղել:
«Մենամարտը շատ լավ սկսեցի, իմ կարծիքով տակտիկական սխալ գործեցի. ես փորձեցի ավելի շատ պաշտպանվել, որ վերջում նոկաուտի ենթարկեմ նրան ցավոք սրտի դա չստացվեց ու նա միավորներով հաղթեց: Ես գիտեի, որ Ամերիկայում նոկաուտի չենթարկեմ, ապա միավորներով դժվար կլինի հաղթելը: Ինձ համար նույնպես շատ ցավալի էր դա: Ես էլ դա չէի ուզում, բայց ստացվեց»,- ասաց Արթուր Աբրահամն ու հավելեց պարտության համար հավասարաչափ մեղավոր են ինքն ու իր մարզիչ Ուլի Վեգները:
«Ես չեմ սիրում իմ սխալն ուրիշների վրա գցել, կամ ուրիշներին փորձել գցել իմ սխալների մեջ: Եթե հաղթում եմ՝ ես ու մարզիչն ենք հաղթում, եթե պարտվում եմ՝ էլի ես ու մարզիչն ենք պարտվում: Դա տակտիկական սխալ էր երկուսիս կողմից»:
Անվանի բռնցքամարտիկն ասաց, որ ծանոթ է նաևմի քանի հայֆուտբոլիստների հետ, սակայն չնշեց, թե կոնկրետ ում հետ: