Չինացի ֆերմերներն աճեցնում են սև ալմաստե խնձորներ, որոնք վաճառքում են հայտնվում հոկտեմբերի վերջին և սպառվում 2 ամսում։ Սև խնձորներն իրականում ունեն մուգ մանուշակագույն երանգ՝ արտասովոր փայլով։
Խնձորներն աճեցվում են Նինգչի շրջանում (Տիբեթ), որտեղ արևի լույսը շատ է, իսկ ցերեկվա և գիշերվա ջերմաստիճանի միջև տարբերությունը բավականին մեծ է. այդ աշխարհագրական առանձնահատկությունը Նինգչին դարձնում է իդեալական բնական միջավայր՝ եզակի պտուղներ աճեցնելու համար։ Սև ալմաստե խնձորները հանդիսանում են Հուա-Նյու խնձորների տեսակ, որը ստեղծվել է ֆերմերների կողմից պատվաստման տեխնոլոգիայով։
3 տարի առաջ 20 հազար ծառեր, որոնք տնկվել էին 2012 թվականին, առաջին անգամ բերք են տվել։ Այս տարի խնձորի աճեցումը հասել է 50 հազար կգ-ի։
Քանի որ էկսքլյուզիվ խնձորների արտադրությունը սահմանափակ է, դրանք դասվում են VIP-դասի մթերքների շարքին, այդ իսկ պատճառով սովորաբար վաճառվում են 6-8 հատանոց փաթեթավորմամբ։