Ֆուտբոլի Հայաստանի ազգային հավաքականն այսօր բաց մարզում անցկացրեց ՀՖՖ տեխնիկական կենտրոնում՝ Ֆուտբոլի ակադեմիայում: Մարզումից հետո մեր ընտրանու ֆուտբոլիստ Արտակ Դաշյանը պատասխանեց լրագրողների հարցերին:
«Բոլորն էլ պատրաստ են Բուլղարիայի դեմ խաղին: Լավ զգացողություններ ունեմ, քանի որ կրկին վերադարձել եմ հավաքական: Կարևորն այն է, որ մարզչական շտաբին ցույց տամ, որ չեն սխալվել իմ հարցում:
Բուլղարիայի հավաքականը լավ թիմ է, և չեմ ցանկանում նրանց կազմից առանձնացնել որևէ մեկին: Նրանք թիմային ֆուտբոլ են ցուցադրում»:
