Ֆիզպատրաստվածության գծով հոլանդացի հանրահայտ մասնագետ Ռայմոնդ Վերհեյենը ռուսական ԶԼՄ-ների հետ զրույցում պատասխանել է Մոսկվայի ԲԿՄԱ-ի գլխավոր մարզիչ Լեոնիդ Սլուցկիի քննադատական խոսքերին:
Սլուցկին նշել էր. «Կարելի է ասել՝ նա ամենամեծ խարդախներից մեկն է, ով հայտնվել է ռուսական ֆուտբոլում»:
«Ծիծաղելի է կարդալ ձեր մասնագետների կարծիքը, իբր իմ մեթոդները ոչ ոքի պետք չեն, իսկ ես պահանջարկ չեմ վայելում: Դուք գաղափար անգամ չունք՝ ինչերի եմ ես հասել ֆուտբոլում:
Ես աշխատել եմ «Բարսելոնա»-ում, երբ նրանք 2006թ. նվաճեցին ՉԼ գավաթը, 2005 և 2006թթ դարձան Իսպանիայի չեմպիոն: Ինձ հետ աշխատելու տարիներին «Զենիթ»-ը 2007թ. դարձավ Ռուսաստանի չեմպիոն, 2008թ.՝ ՈւԵՖԱ-ի գավաթակիր: «Չելսի»-ի հետ նվաճել եմ Անգլիայի գավաթը՝ 2005-ին:
Իսկ ի՞նչ կասեք Աշխարհի առաջնություններում երկու (1998թ. Հոլանդիայի հավաքականի կազմում, 2002թ.՝ Կորեա) և Եվրոպայի առաջնություններում երեք (2000թ. Հոլանդիա, 2004 և 2008թթ՝ Ռուսաստանի հավաքական) կիսաեզրափակիչների մասին:
Այդ բոլոր հավաքականները ես եմ նախապատրաստել: Ռուս մանսագետներից ո՞վ է նման հաջողության հասել»,- Sovsport-ը մեջբերում է Վերհեյենի խոսքերը:
