Սիրիայի նախագահ Բաշար Ալ-Ասադը հաստատել է Սիրիայի խնդրի կարգավորման վերաբերյալ Աստանայում կայանալիք բանակցություններին մասնակցելու պատրաստակամությունը՝ նշելով, որ երկխոսության համար Դամասկոսի կողմից ոչ մի սահմանափակում չկա։ Այս մասին հաղորդում է RIA Novosti-ն՝ վկայակոչելով SANA սիրիական պետական գործակալությունը։
«Մենք, իհարկե, պատրաստ ենք, և հայտարարել ենք, որ այդ հանդիպման համար մեր պատվիրակությունը պատրաստ է մեկնել… երբ հաստատվի հանդիպման ամսաթիվը: Մենք պատրաստ ենք բանակցություններ վարել բոլոր հարցերի շուրջ: Երբ խոսքը Սիրիայում հակամարտության ավարտվելու վերաբերյալ բանակցությունների մասին է կամ Սիրիայի ապագայի մասին, մենք բոլորովին բաց ենք: Բանակցություններում սահմանափակումներ չկան․․․
Իմ դիրքորոշումը կապված է սահմանադրության հետ։ Այդ պատճառով, եթե նրանք ցանկանան քննարկել այդ հարցը, նրանք պետք է քննարկեն սահմանադրությունը, որը չի պատկանում կառավարությանը կամ նախագահին կամ ընդդիմությանը։ Այն պետք է պատկանի սիրիացի ժողովրդին, այդ պատճառով ցանկացած սահմանադրության համար հարնաքվե է պետք։ Դա հարցերից մեկն է, որ կարող է քննարկվել Աստանայում»,- հայտարարել է Ասադը ֆրանսիացի լրագրողներին տված հարցազրույցում։
