Հարյուրավոր ցուցարարներ, որոնք բողոքքի ակցիա էին անցկացնում Սիցիլիայի Նիշեմի քաղաքում ԱՄՆ ռազմաբազայի դարպասների մոտ, կարողացել են ուրբաթ երեկոյան ներխուժել օբյեկտի տարածք, որտեղ իրականացվում է ամերիկյան արբանյակային կապի MUOS նորագույն համակարգի ռադարների շինարարությունը: Այս մասին հայտնում է RIA Novosti-ն:
Ցույցի ժամանակ մասնակիցների և Իտալիայի իրավապահ մարմինների ներկայացուցիչներ միջև բախումներ են տեղի ունեցել: Ոստիկանությունը ցուցարարների դեմ արցունքաբեր գազ է կիրառել: Ընդհարումների ժամանակ թեթև վնասվածքներ է ստացել տեղի ֆինանսական գվարդիայի աշխատակիցներից մեկը:
Ակտիվ բողոքի ակցիաներն ընդդեմ Նիշեմիում ԱՄՆ ռազմական օբյեկտի կառուցման անցկացվում են 2011 թվականից: Մասնավորապես անհանգստություն է առաջացնում համակարգերի վնասակար ազդեցությունը մարդկանց առողջության վրա:
2013-ի հունվարին գործին միջամտել է Սիցիլիայի ղեկավար Ռոզարիո Կրոչետտան, որը Իտալիայի կառավարությունից պահանջել է խզել ԱՄՆ-ի հետ համաձայնագիրը ռազմաբազայի ստեղծման վերաբերյալ: Սակայն հուլիսին Սիցիլիայի իշխանությունները հետ են կանգնել իրենց պահանջից, ինչը բողոքի նոր ալիք է բարձրացրել: