Եվրասիական տնտեսական հանձնաժողովը մտադիր է դիտարկել, այսպես կոչված, «Սպիտակ գրքի» մշակման հնարավորությունը:
Ինչպես տեղեկացնում են Եվրասիական տնտեսական հանձնաժողովի մամուլի ծառայությունից, հուլիսի 5-ին Կոլեգիայի նախագահ Տիգրան Սարգսյանի ղեկավարութ յամբ քննարկվել է ԵԱՏՄ անդամ երկրների միջև առկա սահմանափակումների և խոչընդոտների վերացման համակարգային աշխատանքի գաղափարն ու ձևաչափը:
«Սպիտակ գիրք»-ը ծրագրային փաստաթուղթ է, որում հաշվառված են առկա խոչընդոտները, որոնք արգելքներ են ստեղծում ինտեգրացիոն միությունում ապրանքների, ծառայությունների, կապիտալի և աշխատուժի ազատ տեղաշարժման տեսանկյունից: Ենթադրվում է, որ փաստաթղթում պետք է ներկայացվեն ոչ միայն տարբեր սահմանափակումներ, որոնք խանգարում են միության երկրների բնակիչներին ու գործարարներին, այլև առկա կլինի ճանապարհային քարտեզ` դրանց վերացման համար անհրաժեշտ գործողությունների ժամանակացույցով:
Ներկայում Հանձնաժողովի աշխատանքի շնորհիվ հնարավոր է եղել վերացնել 81 խոչընդոտ: Օրինակ, Հայաստանը դադարեց 20 տոկոս ԱԱՀ գանձել այն ֆիզիկական անձանցից, որոնք ԵՏՄ երկրներից ավտոմեքենա են ներկրում երկիր: