Իտալիայի հավաքականի նախկին հարձակվող Լուկա Տոնին հայտարարել է մարզական կարիերայի ավարտի մասին։ Տոնին խաղակոշիկները մեխից կկախի ընթացիկ մրցաշրջանի ավարտից հետո։
«Երբ ամեն ինչ լավ է, դժվար է մտածել կարիերայի ավարտի մասին։ Բայց այս մրցաշրջանը վատագույնն էր իմ կարիերայում։ Խոսքը նաև հոգեբանական գործոնի մասին է։
Մարզչական կարիերայի մասին չեմ մտածում։ Չեմ կարծում, որ դա ինձ համար է։ Միակ բանը, որի համար զղջում եմ, այն է, որ «Ռոմա»-ի կազմում սկուդետո չեմ նվաճել»,- հայտարարել է 38-ամյա հարձակվողը։
Տոնին ներկայում հանդես է գալիս «Վերոնա»-ում։ Նա ընթացիկ մրցաշրջանում անցկացրած 24 խաղում 6 գոլ է խփել։
