Արգենտինայի ֆուտբոլի ազգային հավաքականը դուրս է եկել 2026 թվականի աշխարհի առաջնության եզրափակիչ՝ կիսաեզրափակչում 2:1 հաշվով կամային հաղթանակ տանելով Անգլիայի ընտրանու նկատմամբ։
Հանդիպումից հետո հավաքականի ավագ Լիոնել Մեսսին չի թաքցրել իր հույզերը՝ նշելով, որ թիմի գրանցած արդյունքը պատմական է։
«Թող մարդիկ շարունակեն վայելել սա։ Այն, ինչին հասել է այս թիմը, պարզապես խենթություն է։ Մենք կրկին եզրափակչում ենք և վերադարձել ենք՝ աշխարհի չեմպիոն դառնալու նպատակով։ Անկախ նրանից, թե ով ինչ կասի, մենք վերջին չորս տարիների աշխարհի լավագույն թիմն ենք»,- ասել է Մեսսին։
Արգենտինայի ավագն ընդգծել է, որ հաջողությունը պատահականություն չէ, այլ երկարատև ու հետևողական աշխատանքի արդյունք։
«Սա ցույց է տալիս, որ մեր արածը պատահական չէր, և մեզ ոչ ոք ոչինչ չի նվիրել։ Աշխարհի առաջնության երկու եզրափակիչ հասնելն այնպիսի նվաճում է, որին քչերը կարող են հասնել, և մեր թիմին դա հաջողվեց»,- ընդգծել է Մեսսին։
