Ֆուտբոլի Հայաստանի Բարձրագույն խմբի առաջնության 18-րդ տուրում «Փյունիկ»-ն ընդունեց Գյումրու «Շիրակ»-ին:
Առաջին խաղակեսում թիմերին չհաջողվեց աչքի ընկնել գոլով, սակայն հանդիպման 66-րդ րոպեին «Շիրակ»-ի հարձակվող Արամ Մուրադյանը կարողացավ գտնել երևանյան ակումբի դարպասը խոցելու բանալին՝ հաշվի մեջ առաջ մղելով իր թիմին:
Մուրադյանի գոլը վերջինը չէր այս խաղում. հանդիպման ավարտին՝ 89-րդ րոպեին, «Փյունիկ»-ի 25-ամյա ֆուտբոլիստ Դավիթ Մանոյանը կարողացավ հասավասարեցնել հաշիվը՝ փրկելով իր թիմին տնային պարտությունից:
18-րդ տուրից հետո 2-րդ տեղով ընթացող «Փյունիկ»-ը 4 միավոր է զիջում առաջատար «Ալաշկերտ»-ին, իսկ «Շիրակ»-ը 28 միավորով երրորդն է և մեկ միավոր է գերազանցում «Արարատ»-ին:
Լուսանկարը՝ «Փյունիկ ՖԱ»-ի ֆեյսբուքյան էջի: