«Վերելք» քաղաքական ուսումնասիրությունների հիմնադրամի նախագահ Արծրուն Պեպանյանը Facebook-ի իր էջում գրել է.
«Ուրեմն դադարեցնում ենք՝
-նվվողը,
-ողբը
– անհուսության տարածումը,
-ժողովրդին, երկրին փնովելը
– մեջքի վրա ընկնելը:
Բա ի՞նչ ասեին ձեր նախնիները, երբ ոչ թե լավ կամ վատ ապրելու խնդիր էր ծագում իրենց առջև, այլ հարյուր հազարանոց թշնամական զորք էր հայտնվում սահմանին: Ձեր նման մեջքի վրա ընկնելու փոխարեն զենք էին առնում ու գնում կռիվ՝ վտանգելով իրենց կյանքը հանուն ձեր այսօրվա գոյության:
Դժվարությունները հաղթահարելու համար են:
Դժվարությունները փորձություն են՝ պարզելու համար, թե որքանով եք տղամարդ դուք և որքանով է տղամարդ ժողովուրդը:
Չի կարող ելք չլինել:
Այսօրվա ձեր հիասթափությունը երեկվա ձեր մտածելու ալարկոտության հետևանքն է:
Մտածեք այսօր, ու ելքը գտնեք:
Փորձեք պարզել ճահճում հայտնվելու իրական պատճառները:
Չի կարող ելք չլինել: