Փետրվարի 12-15-ը Ցյուրիխում կանցկացվի շախմատային Chess Challenge մրցաշարը: Հայաստանի շախմատի ֆեդերացիայի մամուլի քարտուղար Միքայել Անդրեասյանը հայտնել է, որ մրցաշարին մասնակցելու է նաև Լևոն Արոնյանը:
Մրցույթն կմասնակցեն 6 ուժեղագույն շախմատիստները, Վլադիմիր Կրամնիկը (Ռուսաստան), Վիշվանաթան Անանդը (Հնդկաստան), Հիկարու Նակամուրան (ԱՄՆ), Անիշ Գիրին (Հոլանդիա), Ալեքսեյ Շիրովը (Լատվիա) և Լևոն Արոնյանը (Հայաստան):
Մրցաշարի առաջին շրջանն անցկացվելու է նոր դասական ժամական համակարգով, այսինքն խաղին տրվելու է 40 րոպե, ապա յուրաքանչյուր քայլի համար ավելանալու է 10 վայրկյան:
Երկրորդ շրջանում կանցկացվի կայծակնային շախմատ: Ընդհանուր առմամբ շախմատիստները խաղալու են 10 պարտիա: Դասական խաղերի հաղթանակի դեպքում կշնորհվի 2 միավոր, ոչ-ոքի դեպքում՝ 1 միավոր, կայծակնային շախմատում հաղթանակի դեպքում կշնորհվի 1 միավոր, ոչ-ոքի դեպքում՝ 0.5:
Նշենք, որ 2015 մրցաշարի հաղթող է դարձել Հիկարու Նակամուրան, ով լրացուցիչ ցուցանիշներով հաղթեց Անանդին:
Լևոն Արոնյանի համար Ցյուրիխի մրցաշարն այս տարվա առաջին մրցաշարն է լինելու: Մարտին հայ գրոսմայստերը կմասնակցի Մոսկվայում կայանալիք հավակնորդների մրցաշարին:
