Թենիսի «Մեծ սաղավարտ»-ի՝ Ավստրալիայի բաց առաջնության կանանց մենախաղի հաղթող Անժելիկա Կերբերն այսօր՝ առավոտյան, լողալու է գնացել Մելբուռնի Յարա գետում:
28-ամյա Կերբերն ավելի վաղ խոստացել էր սուզվել սառն ու կեղտոտ ջրի մեջ տիտղոսը նվաճելու դեպքում:
«Ջուրը սառն էր ու կեղտոտ: Ես փորձեցի զվարճանալ. չէ՞ որ դա իմ խոստումն էր, և ես ուրախ եմ, որ հնարավորություն ունեցա խոստումս կատարելու: Ես սիրում եմ այսպիսի քայլեր կատարել ու շարունակելու եմ այսպես»,- «DailyMail»-ը փոխանցում է Կերբերի խոսքը:
Հիշեցնենք, որ Սերենա Ուիլյամսին 6:4, 3:6, 6:4 հաշվով հաղթելուց հետո Կերբերը նվաճեց իր առաջին «Մեծ սաղավարտ»-ը մարզական կարիերայում, որի արդյունքում WTA վարկանիշային աղյուսակի 6-րդ համարից կբարձրանա 2-րդ տեղ:
