Ֆուտբոլի Իսպանիայի Լա լիգայի 14-րդ տուրի շրջանակում «Վալենսիա»-ն «Մեստալյա» մարզադաշտում ընդունեց կատալոնական «Բարսելոնա»-ին:
Լա լիգայի առաջատարը Վալենսիա էր ժամանել հաղթելու ցանկությամբ, սակայն տանտերերը կարողացան կանգնեցնել անհաղթահարելի թվացող «Բարսելոնա»-ին ու ոչ-ոքի կորզել նրանցից:
Խաղի 59-րդ րոպեին «Բարսելոնա»-ի ուրուգվայցի հարձակվող Լուիս Սուարեսը կարողացավ հաշվի մեջ առաջ մղել իր թիմին՝ Մեսսիի փոխանցումից հետո գրավելով վալենսիացիների դարպասը:
86-րդ րոպեին «Վալենսիա»-ի հարձակվող Սանտի Մինան կարողացավ դիպուկ հարված կատարել՝ գրավելով Կլաուդիո Բրավոյի պաշտպանած դարպասը: Արդյունքում՝ հանդիպումն ավարտվեց 1:1 հաշվով:
Նշենք, որ 14-րդ տուրից հետո «Բարսելոնա»-ն 34 միավորով շարունակում է գլխավորել մրցաշարային աղյուսակը: Նրան 2 միավոր է զիջում Մադրիդի «Ատլետիկո»-ն, իսկ «Ռեալ»-ը երրորդն է՝ վաստակած 30 միավորով:
Լա լիգա. 14-րդ տուր. «Վալենսիա» – «Բարսելոնա»՝ 1:1
Գոլերը՝ 59´ Լուիս Սուարես(0:1), 86´ Սանտի Մինա(1:1):
