Մադրիդի «Ռեալ»-ի գլխավոր մարզիչ Կարլո Անչելոտին հայտարարել է, որ 1 տարով դադարեցնում է մարզչական կարիերան: Իտալացի մասնագետը հայտարարել է, որ պետք է վիրահատվի:
«1 տարով դադարեցնում եմ մարզչական կարիերաս: Դրա համար լուրջ պատճառ ունեմ: Ինձ մոտ ողնաշարի պարանոցային հատվածում ախտորոշվել է ստենոզ (խմբ- նյարդերը սեղմվում են ողնուղեղային խողովակում, որից առաջանում է վերջույթների նյարդավորման խանգարում):
Արդեն որոշ ժամանակ խնդիրներ ունեմ կապված ձեռքերի հետ, որը կարող է անդրադառնալ նաև ոտքերիս: Վիրահատվելու եմ Վանկուվերում: Հավատացեք, «Ռեալ»-ի ղեկին 2 տարի աշխատանքը շատ դժվար է:
Ոչ ոք չի կարող պատկերացնել՝ որքան ուժ է խլում «Ռեալ»-ում մարզումները թե՛ ֆիզիկապես, թե՛ հոգեպես: Ինչ վերաբերում է Իտալիայում աշխատանքի հավանական տարբերակին, ապա միշտ ասել եմ, որ եթե աշխատեմ Իտալիայում, ապա կգլխավորեմ միայն «Միլան»-ը»,- Անչելոտիի խոսքերը մեջբերում է Il Giornale-ն:
«Ռեալ»-ի նոր գլխավոր մարզչի հավանական թեկնածուների թվում են Յուրգեն Կլոպն ու Ռաֆայել Բենիտեսը: