Քիմ Քարդաշյանը «կհպարտացնի» հանգուցյալ հորը հայրենիք վերադառնալով՝ գրում է Pagesix.com-ը:
«Մեր հայրն այնքան հպարտ կլիներ»,- ասել է Քիմը պարբերականի հետ իր ապրիլյան ուղևորության մասին զրույցի ժամանակ, որը կհամընկնի Հայոց ցեղասպանության 100-ամյա տարելիցի հետ: «Մեր ողջ ընտանիքն այնքան հուզված է»,- ասել է ռեալիթի շոուի հայազգի աստղը:
34-ամյա Քիմն իր հետ կբերի դստերը՝ Նորթ Ուեսթին, սակայն դեռևս հայտնի չէ՝ ամուսինը՝ ռեփեր Քանյե Ուեսթը, կմիանա՞ նրանց, թե՞ ոչ:
Քիմի ներկայացուցիչը, սակայն, հայտնել է, որ նրա ուղևորությունը կապ չունի Ցեղասպանության 100-ամյակի հետ:
Սակայն Ֆիլ Վալոցկին, ով հանդիսանում է ԱՄՆ-ում Հայոց ցեղասպանության 100-ամյակի կոմիտեի մամլո խոսնակ, պարբերականի հետ զրույցում ասել է, որ Քիմի այցը 100-ամյակի լույսի ներքո իմաստալից է հայերի համար՝ իրենց արմատներին միանալու և հայրենիք ճամփորդելու ցանկության առումով, անկախ նրանից՝ հայտնի են նրանք, թե ոչ:
