Mail Online պարբերականն աղմկահարույց հոդված է հրապարակել, որտեղ նշվում է, որ հոլիվուդյան աստղ Միկի Ռուրկն օրերս նոկաուտի էր ենթարկել ոչ թե պրոֆեսիոնալ բռնցքամարտիկի, այլ սովորական անօթևանի:
«Շատ էին խոսակցությունները, որ Ռուրկն ուժեղ է, հաղթել է իրենից երկու անգամ երիտասարդ մարզիկի… այո, դա այդպես է, բայց այդտեղ թաքնված չէ ամբողջ իրականությունը: Իսկ իրականությունն այն է, որ Էլիոտն անօթևան է: Նա արդեն 1.5 տարի գիշերում է փողոցներում ու Կալիֆորնիայի այգիներում:
Նրա մարզական կարիերան հաջող չդասավորվեց: Հետո նա վիճեց ընտանիքի անդամների հետ, դարձավ ագրեսիվ ու ներփակված: Նա շարունակում է ռինգ դուրս գալ, քանի որ ինչ-որ կերպ պետք է գոյատևի: Նախապես համաձայնեցված է եղել, որ Էլիոտն ընկնելու է 4-րդ ռաունդում: Ինչ-որ բան փոխվել է նրանց ծրագրերում, քանի որ Էլիոտն առաջին անգամ ընկել է 2-րդ ռաունդում»,- գրում է պարբերականը:
Հիշեցնենք, որ հոլիվուդյան հանրահայտ դերասան, 62-ամյա Միկի Ռուրկը վերջին 20 տարիներին առաջին անգամ մենամարտ անցկացրեց: Նա նոյեմբերի 28-ին Մոսկվայում նոկաուտի ենթարկեց 29-ամյա Սեյմուր Էլիոտին:
