«Մանչեսթեր Սիթի»-ի երկրպագուները սեպտեմբեր ամսվա լավագույն խաղացող են ճանաչել թիմի 36-ամյա կիսապաշտպան Ֆրենկ Լեմպարդին:
Անգլիացին աչքի է ընկել Պրեմիեր Լիգայի շրջանակներում կայացած «Չելսի»-ի և «Հալ Սիթի»-ի դեմ խաղերում, ինչպես նաև Լիգայի գավաթի խաղարկության «Շեֆիլդ Ուենսդեյ»-ի դեմ հանդիպմանը:
Լեմպարդի օգտին քվեարկել են «քաղաքայիններ»-ի երկրպագուների շուրջ 30%-ը, երկրորդ տեղը զբաղեցրել է կիսապաշտպան Ջեյմս Միլները , իսկ լավագույնների եռյակը եզրափակել է իսպանացի Դավիդ Սիլվան: Այդ մասին հայտնում է Անգլիայի գործող չեմպիոնների պաշտոնական կայքը:








































