WBA վարկածով միջին քաշային կարգում Աշխարհի չեմպիոն Արթուր Աբրահամը (35-3-0) դեկտեմբերի 15-ին Նյուրնբերգում փորձելու է պաշտպանել չեմպիոնական գոտին ֆրանսիացի բռնցքամարտիկ Մեհդի Բուդալայի (26-5-0) դեմ մենամարտի արդյունքում: Աբրահամը հարցազրույց է տվել գերմանական ԶԼՄ-ներին՝ մասնավորապես նշելով հետևյալը.
«Երջանիկ եմ, որ չեմպիոնական գոտին կրկին ինձ է պատկանում: Փոխվել են նաև ֆինանսական պայմանները, սակայն մոտիվացիայի հետ կապված խնդիրներ չկան: Ավելի մեծ էներգիա եմ ծախսում մարզումների ժամանակ, քանի որ գիտակցում եմ, որ դա մեծ ազդեցություն է ունենում մենամարտերի ժամանակ: Կարելի է որակները կատարելագործել ամեն օր:
Առաջին անգամ եմ Նյուրնբերգում մենամարտելու Աշխարհի չեմպիոնի կարգավիճակով: Չեմ պատրաստվում զիջել տիտղոսս և հուսով եմ, որ երկար ժամանակ կմնամ բարձունքում»,- հայտարարել է Աբրահամը: