Կիրակի օրը տեղի ունեցած մի շարք ահաբեկչությունների հետևանքով զոհվել է 32 մարդ, հաղորդում է Reuters գործակալությունը:
Associated Press գործակալության տվյալներով` վիրավորվել է 94 մարդ:
Ավելի վաղ հաղորդվում էր 23 զոհի և 82 վիրավորի մասին:
Ավելի խոշոր ահաբեկչություն տեղի է ունեցել Թաջ քաղաքում, որը գտնվում է Բաղդադից 20 կմ հեռավորության վրա: Երեք ավտոմեքենայի վրա տեղադրված պայթուցիկ սարքերը աշխատել են հերթականությամբ: Պայթյունի հետևանքով զոհվել է 11, վիրավորվել 24 մարդ:
Սեպտեմբերի սկզբին Իրաքում տեղի ունեցած պայթյունների ընդհանուր թիվը գերազանցել է 100-ը, տուժել է ավելի քան 300 մարդ: