Կատալոնական «Բարսելոնա»-ի ֆուտբոլիստ Սերխիո Բուսկետսը չի կարծում, որ առաջիկա «կլասիկո»-ում «Ռեալ»-ի հանդեպ տարած հնարավոր հաղթանակը որոշիչ կլինի Իսպանիայի առաջնության ոսկե մեդալների համար մղվող պայքարում:
««Ռեալ»-ի հետ կայանալիք առաջիկա հանդիպումը որոշիչ չի լինի, քանի որ առջևում շատ խաղեր են սպասվում: Հիանալի է, որ արդեն մեկնարկում նման առավելություն ունենք, սակայն մրցաշրջանը շատ երկար ընթացք ունի: Անցած մրցաշրջանում «Ռեալ»-ը հիանալի հաղթական շարք ուներ, և մենք պետք է այն կրկնենք»,- ֆուտբոլիստին մեջբերում է իսպանական մամուլը:
