Գյումրու «Շիրակ»-ի պաշտոնական կայքը տեղեկացնում է, որ թիմը երեկ անցկացրեց իր երկրորդ ստուգողական հանդիպումը: Գյումրեցիների մրցակիցն էր Ռուսաստանի առաջին լիգայում հանդես եկող «ԲՄԱ-Էներգիա»-ն:
Արդեն 5-րդ րոպեին «ԲՄԱ-Էներգիա»-ին հաջողվեց արագ գոլ խփել: Գոլի հեղինակ դարձավ Անտոն Կիսիլյովը: Հուսալի խաղ ցուցադրեց գյումրեցիների դարպասապահ Արթուր Հարությունյանը՝ մի քանի անգամ թիմին փրկելով վերահաս գոլերից: Ամբողջ հանդիպման ընթացքում վստահ էր խաղում աջ պաշտպան Հովհաննես Գրիգորյանը, ով անընդհատ միանում էր գրոհներին:
70-րդ րոպեին Դավիթ Հակոբյանը, կենտրոնում ստանալով գնդակը, կարողացավ շրջանցել մի քանի պաշտպանի և հակառակորդի տուգանայինի մատույցներից դիպուկ հարված կատարեց և հավասարեցրեց խաղի հաշիվը:
Մեկնարկային կազմ՝ Արթուր Հարությունյան, Հովհաննես Գրիգորյան, Դիդյե Բորիս, Գևորգ Հովհաննիսյան,Կարեն Ալեքսանյան, Կարեն Խաչատրյան, Արմեն Տիգրանյան, Տիգրան Դավթյան, Արարատ Հարությունյան, Ֆուֆանա Բեկո, Լի Լամին Յորո:
Փոխարինման դուրս եկան՝ Անդրանիկ Բարիկյան, Կարեն Մուրադյան, Արա Խաչատրյան, Արթուր Դավթյան, Ժան-Լուի Բերն, Դավիթ Հակոբյան: