Միլանի «Ինտեր»-ի գլխավոր մարզիչ Ֆրանկ Դե Բուրը մեկնաբանել է Եվրոպայի լիգայի գավաթի խաղարկության խմբային փուլի 2-րդ տուրում «Սպարտա»-ից կրած պարտությունը:
«Եթե խաղը սկսում ես սխալ մոտեցումով, ապա տակտիկայի մասին խոսելն անգամ ավելորդ է: Առաջին հերթին ճիշտ մոտեցում է հարկավոր:
Երկրորդ խաղակեսում մենք շատ ավելի լավ էինք խաղում, բայց, իհարկե, ես այսպիսին չէի պատկերացնում մեր խաղը: Կարմիր քարտից հետո ամեն ինչ շատ ավելի դժվարացավ:
Մենք հաճախ էինք կորցնում գնդակը: Պետք է շտկենք մեր խաղը, հակառակ դեպքում առաջիկա խաղերում ավելի դժվար կլինի»,- Sky Sport Italia-ն մեջբերում է Դե Բուրի խոսքերը:
