Ֆլոյդ Մեյուեյզերի հետ մենամարտից հետո հանրհայատ Մենի Պակյաոն ուսի վիրահատության էր ենթարկվել: Ֆիլիպինցի բռնցքամարտիկի մարզիչ Ֆրեդի Ռոուչը հայտարարել է, որ Պակյաոն ռինգ կվերադառնա 2016թ. սկզբին: Այս մասին գրում է USA Today-ը:
«Նա շատ է սիրում այս մարզաձևը: Կարծում եմ` նա դեռ մի քանի մենամարտ կանցկացնի: Ռևանշ Ֆլոյդի հե՞տ. չեմ կարծում, որ դա տեղի կունենա»,- հայտարարել է Ռոուչը:
Հիշեցնենք, որ Պակյաոն Մեյուեյզերին պարտվեց միավորների տարբերությամբ` մրցավարների միաձայն որոշմամբ (118:110, 116:112, 116:112): Մենամարտից հետո Պակյաոն հայտարարեց, որ ռինգ էր դուրս եկել ուսի վնասվածքով:
Մենամարտից 5 օր անց Պակյաոն հրաժարվեց ռևանշից: Պակյաոն նշեց, որ իր թիմից տեղի էր ունեցել տեղեկատվության արտահոսք, և մրցակիցը գիտեր իր վնասվածքի մասին, քանի որ անընդհատ քաշում էր ձեռքը:
Մեյուեյզերն ի պատասխան 36-ամյա Պակյաոյին անհաջողակ անվանեց: