Թուրինի «Յուվենտուս»-ի գլխավոր մարզիչ Մասիմիլիանո Ալեգրին իր կարծիքն է հայտնել «Ռոմա»-ի դեմ խաղի վերաբերյալ:
«Մեկ քայլ առաջ կատարեցինք: Սակայն հաշվի առնելով հանդիպման ընթացքը պետք է ասեմ, որ մենք կարող էինք ավելի լավ արդյունքի հասնել: Շատ վատ խաղ ցուցադրեցինք վերջին 20 րոպեներին: Մինչև 70-րդ րոպեն ես գոհ էի սաներիցս: Չհաղթեցինք, բայց 9 միավորի տարբերությունը քիչ չէ:
Պետք է սկսենք հաղթել արտագնա խաղերում, ինչը մեզ չի հաջողվում արդեն երեք անգամ: Աշխատելու շատ բան ունենք: Մանավանադ պետք է կարողանանք սուր գործել հարձակման գծում»,- Sky Sport Italia-ն մեջբերում է Ալեգրիի խոսքերը: