«Միդլսբորո»-ի գլխավոր մարզիչ Աիտոր Կարանկան, ում թիմն Անգլիայի գավաթի խաղարկության 1/16 եզրափակչում գերազանցեց «Մանչեսթեր Սիթի»-ին, հայտարարել է, որ շատ բան է սովորել «Ռեալ»-ում Ժոզե Մոուրինյոյի հետ աշխատած տարիներին:
41-ամյա մասնագետն աշխատել է մադրիդյան ակումբում 2010 թվականից մինչև Կարլո Անչելոտիի` «Ռեալ»-ում աշխատանքի անցնելը:
«Մոուրինյոյի հետ աշխատած տարիներին սովորել եմ մտածել նրա նման: Եթե ցանկանում ես հաջողակ լինել, պետք է բոլոր հարցերին մանրակրկիտ լուծում տալ: Մեծ հաղթանակների հիմք են հանդիսանում փոքր դետալները: Ժոզեն միշտ կրկնում էր, որ հաղթանակը շատ ծնողներ ունի, իսկ պարտությունը` միայն մեկ: Հիմա ես նրան հասկանում եմ»,- ՖԻՖԱ-ի պաշտոնական կայքը մեջբերում է Կարանկայի խոսքերը:
