Վանաձորում, Սպիտակում, Ալավերդիում և Լոռու մարզի այլ քաղաքներում բնակվող ՖԱՖ-ի անդամները միշտ առանձնացել են իրենց ակտիվությամբ թեʹ ազգային հավաքականի տնային և արտագնա խաղերին պարտադիր մասնակցելու ձգտումով, թեʹ տարբեր կազմակերպչական աշխատանքներով ու տարբեր նախաձեռնություններով:
Ավելորդ չէ նշել, որ հավաքականի մասնակցությամբ այս տարվա գրեթե բոլոր խաղերի ժամանակ Վանաձորում կազմակերպվել են խաղերի համատեղ դիտումներ, որը պատշաճ կազմակերպելու համար վանաձորցի երկրպագուների կողմից ձեռք է բերվել պրոյեկտոր, իսկ ֆուտզալում հանդես եկող «Ցալկուտ» թիմը միշտ ունեցել է ակտիվ աջակցություն տեղի երկրպագուների կողմից:
Օգոստոսի 31-ին, ժամը 16:00-ին Լոռու մարզում բնակվող Հայաստանի ազգային հավաքականի բոլոր երկրպագուներին սիրով հրավիրում ենք Վանաձորի Տիգրան Մեծի 24-1-1 հասցեում գտնվող ԼեռԳո սրճարան, որտեղ տեղի կունենա հանդիպում ՖԱՖ-ի ղեկավար կազմի հետ: Մասնաճյուղի բացման արարողությունից հետո, տեղի կունենա երկրպագուների անդամագրություն ՖԱՖ-ին , իսկ արդեն սեպտեմբերի 3-ի և 7-ի ազգային հավաքականի խաղերին կլինեն ֆան զոներ` համատեղ դիտումներ:
Անդամագրվելով ՖԱՖ-ի Լոռվա մասնաճյուղին` երկրպագուները հնարավորություն կունենան կազմակերպված ժամանել Երևան, մատչելի պայմաններով նախապես ձեռք բերել հավաքականի խաղերի տոմսեր, Ինչպես նաև կօգտվեն մի շարք առավելություններից, որոնց մասին կնշվի տեղում: Հարցերով կարող եք զանգահարել 095 03 02 17 հեռախոսահամարով:
