ԱՄՆ նախագահ Բարաք Օբաման այսօր ասել է, որ ԱՄՆ–ը շատ հավանական կանխատեսումներ ունի այն մասին, թե Իրանն ինչ ձեռքբերումներ ունի ուրանի հարստացման գոծում, բայց նախագահը նաև ասել է, որ դժվար է իմանալ, թե ինչպիսին է քաղաքական ակտիվությունն Իրանի Իսլամիստական Հանրապետությունում:
Reuters-ը գրում է, որ Օբաման NBC հեռուստաալիքին տված հարցազրույցի ժամանակ ասել է, թե դժվարություններից մեկն այն է, որ Իրանն այժմ առավել բաժանված է, քան նախկինում:
Օբաման նաև ասել է, որ դժվար է իմանալ, թե իրականում ով է որոշումներ կայացնում Իրանում, բայց իրենք շատ լավ գիտեն, թե ինչ է կատարվում այնտեղ միջուկային ծրագրի հետ կապված գործընթացներում:
Այն հարցին, թե ԱՄՆ-ը երբ կունենա այնպիսի պայթուցիկներ, որով կարողանա պայթեցնել Իրանի ստորգետնյա ատոմակայանները, Օբաման պատասխանել է, որ չի պատրաստվում ռազմական ծրագրեր քննարկել կամ մանրամասների մասին հայտնել:
