Լոնդոնի «Արսենալ»-ի գլխավոր մարզիչ Արսեն Վենգերը խոսել է Չեմպիոնների Լիգայի գավաթի ընթացիկ խաղարկության քառորդ եզրափակիչում կայանալիք «Բարսելոնա» – «Միլան» խաղի մասին:
«Ես կարծում եմ, որ «Բարսելոնա» – «Միլան» հանդիպման ելքը կարող է վճռվել խաղասկզբում: Շատ կարևոր է, թե ինչպես ակումբները կսկսեն հանդիպումը: «Միլան»-ը կպարտվի երկրորդ համարով խաղալու դեպքում: Պետք չէ անընդհատ պաշտպանվել, քանի որ «կապտանռնագույններ»-ը կգտնեն դարպասը տանող ճանապարհը: Իսկ եթե «Միլան»-ը փորձի հարձակվել, ապա առանց Աբիդալի հանդես եկող «Բարսելոնա»-ն կարող է չդիմանալ ճնշմանը: Սակայն պարզ է, որ կատալոնական ակումբն ավելի ուժեղ»,- ասել է Վենգերը:
Հիշեցնենք, որ Չեմպիոնների Լիգայի գավաթի ընթացիկ խաղարկության քառորդ եզրափակիչում «Միլան»-ի և «Բարսելոնա»-ի առաջին հանդիպումը տեղի է ունեցել «Սան Սիրո» մարզադաշտում և ավարտվել է 0:0 հաշվով:
