Այսօր` ապրիլի 3-ին, Չեմպիոնների լիգայի քառորդ եզրափակչի շրջանակներում կկայանա «Բարսելոնա»-«Միլան» պատասխան հանդիպումը: Խաղից առաջ կայացած մամուլի ասուլիսում կատալոնացիների գյխավոր մարզիչ Խոսեպ Գվարդիոլան նշել է, որ հաղթանակ է ակնկալում:
«Շատ պարզ իրավիճակ է` հաղթողը կիսաեզրափակիչ դուրս կգա: Ահա և ամբողջ վերլուծությունը: «Բարսելոնա»-ին հաղթանակ է անհրաժեշտ: Հաշվի առնենք, որ «Միլան»-ն ի վիճակի է առնվազն 1 գոլ խփել, մենք պետք է կարողանանք գրավել նրա դարպասն ավելի շատ:
«Ռոսսոներիներ»-ը լավ հակագրոհներ են կազմակերպում` արագ հասնելով մրցակցի տուգանային հրապարակ: Անհրաժեշտ է շատ լավ խաղալ հարձակվողական գծում` մրցակցի դարպասի մոտ ստեղծելով բազմաթիվ վտանգավոր պահեր: Մենք անպայման լավ կխաղանք, որպեսզի նվաճենք կիսաեզրափակչի ուղեգիրը»,- ասել է կատալոնացիների գյխավոր մարզիչը:
«Միլան»-«Բարսելոնա» առաջին հանդիպումը կայացել է մարտի 28-ին՝ Իտալիայում: Այն ավարտվել է ոչ-ոքի` 0:0 հաշվով:
