Երեկ Եվրախորհրդարանի նախագահ Եժի Բուզեկը հայտարարել է, որ անհրաժեշտ է արգելել Բելառուսի մասնակցությունը միջազգային այնպիսի մարզական միջոցառումներին, ինչպիսիք են Օլիմպիակա խաղերը և աշխարհի առաջնությունները: Այս մասին փոխանցում է РИА Новости գործակալությունը:
Բուզեկը Եվրախորհրդարանի միջազգային հարաբերությունների հանձնաժողովի աշխատանքների ժամանակ հայտարարել է, որ Բելառուսը «ժողովրդավարական լեգիտիմությունից զուրկ է», և Եվրամիությունը պետք է վերանայի իր հարաբերություններն այդ երկրի հետ:
Հիշեցնենք, որ այս օրերին Եվրոպայում են գտնվում բելառուսական ընդդիմության որոշ ներկայացուցիչներ, այդ թվում՝ ձերբակալված ընդդիմադիրների հարազատները:
Բուզեկը բելառուսական ընդդիմությանը հայտարարել է նախագահական ընտրությունների իրական հաղթողներ` կոչ անելով բանտերից անհապաղ ազատ արձակել նրանց: