Աշխարհահռչակ Lloyd’s ապահովագրական ընկերությունը հայտարարեց, որ ATP վարկանիշային աղյուսակը գլխավորող սերբ թենիսիստ Նովակ Ջոկովիչը գնահատվում է 100 մլն ԱՄՆ դոլար:
Ընկերության աշխատակիցներն իրենց հաշվարկը հիմնավորում են հետևյալ կերպ. Ջոկովիչն այժմ 24 տարեկան է և բարձր մակարդակով կարող է հանդես գալ առնվազն մինչև 33 տարեկանը: Այսպիսով` գնահատվել են թենիսիստի մարզական կարիերայի առաջիկա 9 տարիները: 2011 թվականի ընթացքում Նովակը վաստակել է 11 մլն ԱՄՆ դոլար և 9 տարիների ընթացքում կարող է վաստակել 99 մլն դոլար:
Սակայն Ջոկովիչն ապահովագրվելու դիմում Lloyd’s-ին առայժմ չի ներկայացրել:
