Երեկ Եվրոպայի լիգայի խմբային փուլի 5-րդ տուրի շրջանակում կայացան 7 խմբերի 14 հանդիպումները: А խմբում մեծ հետաքրքրություն էր առաջացնում լեհական «Լեխ»-ի և իտալական «Յուվենտուս»-ի դիմակայությունը: Էքստրեմալ պայմաններում (-14 աստիճան ցուրտ) անցած հանդիպումն ավարտվեց լեհական ակումբին ձեռնտու ոչ-ոքի՝ 1:1 հաշվով, և թուրինյան ակումբը ժամանակից շուտ դուրս մնաց հետագա պայքարից: Մյուս խաղում «Մանչեսթեր Սիթի»-ն 3:0 հաշվով հեշտ հաղթանակ տարավ Զալցբուրգի նկատմամբ և վաստակեց հաջորդ փուլի ուղեգիր: B խմբում «Բայեր»-ը հյուրընկալվեց և 0:1 հաշվով հաղթեց «Ռուսենբորգ»-ին, այսպիսով ապահովեց առաջին տեղը: Մադրիդի «Ատլետիկո»-ն սեփական հարկի տակ սենսացիոն պարտություն կրեց «Արիս»-ից և թույլ տվեց վերջինիս միավորներով հավասարվել իրեն: C խումբ` «Գենտ»-«Լևսկի»` 1:0, «Սպորտիգ»-«Լիլ»` 1:0: Այս խմբում Սանկտ Պետերբուրգի «Զենիթ»-ը -17 աստիճան եղանակային պայմաններում ոչ մի շանս չտվեց բելգիական «Անդերլեխտ»-ին` 3:1, և վաստակած 15 միավորով ապահովեց առաջին տեղը, «Աեկ»-ն էլ մրցակցի հարկի տակ նույն հաշվով պարտության մատնեց «Հայդուկ»-ին: H խումբ «Օդենսե»-«Խետաֆե»`1:1, «Յանգ Բոյս»-«Շտուտգարտ»`4:2: Այս քառյակից հաջորդ փուլ դուրս եկան «Յանգ Բոյս»-ն ու «Շտուտգարտ»-ը: I խմբում «Մետալիստ»-ն ու «Էյնդհովեն»-ը հաղթեցին համապատասխանաբար «Դեբրեցեն»-ին և «Սամպդորիային» և նվաճեցին հաջորդ փուլի ուղեգրեր: Մյուս 6 խմբերի հանդիպումները կկայանան այսօր:
