Նախօրեին Հայաստանի բասկետբոլի ֆեդերացիան հայտարարեց հայտնի մասնագետ Ռեքս Կալամյանի մերազգային հավաքականի գլխավոր մարզիչ նշանակվելու մասին:«Դետրոյթ Փիստոնս» թիմի ներկայիս մարզիչ Ռեքս Կալամյանը շուրջ 30 տարի է՝ աշխատում է NBA-ում:Հայազգի մասնագետի գլխավորությամբ Հայաստանի ազգային հավաքականը կմասնակցի փոքր երկրների Եվրոպայի առաջնությանը: Այս նշանակումը կարելի մեծ իրադարձություն համարել հայկական բասկետբոլի պատմության մեջ։
Տևական դադարից հետո Հայաստանի ազգային հավաքականը վերադառնում է միջազգային հարթակ։ Վերադառնում է բարձրակարգ մասնագետի գլխավորությամբ։ Ռեքս Կալամյանը մարզչական կարիերան սկսել է 1990-ականներին: Նա աշխատել է «Էլաք» (1990–1992), «Լոս Անջելես Քլիպերս» (1995–2003, 2018–2020), «Դենվեր Նագեթս» (2004–2005), «Մինեսոտա Թիմբերվուլվզ» (2005–2007), «Սակրամենտո Քինգս» (2007–2009, 2020-2021), «Օքլահոմա Սիթի Թանդերս» (2009–2015), «Տորոնտո Ռափթորս» (2015–2018) և «Դետրոյթ Փիստոնս» ակումբներում: Նշենք, որ Քալամյանը բազմիցս է նշել, որ մեծ ցանկություն ունի օգտակար լինելու հայկական բասկետբոլին:
Ռեքս Կալամյանը կփորձի օգտագործել իր հեղինակությունը, որ ավելի մեծ թվով անձանց ներգրավի հայկական բասկետբոլի զարգացմանը միտված ծրագրերին: Կալամյանն այսօր ամենաճանաչված հայն է և ամերիկյան բասկետբոլում բավական լուրջ ազդեցություն ունի: 2016 թվականին բասկետբոլի Հայաստանի տղամարդկանց հավաքականն առաջին անգամ մասնակցելով բասկետբոլի Եվրոպայի փոքր երկրների առաջնությանը` դարձել էր մրցաշարի չեմպիոն: Մեր ազգային թիմը իրավունք էր ստացել մասնակցելու Եվրոպայի 2021 թվականի առաջնության ընտրական փուլին։ Այս մրցաշարում Հայաստանի հավաքականը փալյուն ելույթով աչքի ընկավ մեր երկրում առաջացնելով բասկետբոլային բում։ Մասնավորապես խարվաթ մասնագետ Նիկշկա գլխավոժրությամբ Հայաստանի հավաքականը խմբային փուլում հաղթել էր այպիսի հավաքականների ինչպիսիք են Սլովակիան և Շվեդիան։ Ինչու Քալամյանի գլխավորությամբ մեր ազգային թիմը ելույթը կսկսի առաջիկա ամռանը։ Փոքր երկրների Եվրոպայի առաջնությունում Հայաստանի ազգային հավաքականը հանդես կգա B ենթախմբում, որտեղ մեր ընտրանու մրցակիցներն են Իռլանդիայի, Անդորրայի և Ադրբեջանի հավաքականները: Առաջնությունը տեղի կունենա հունիսի 28-ից հուլիսի 3-ը Իռլանդիայի Լիմերիկ քաղաքում։ Սա լուրջ փորձություն է մեր հավաքականի համար, որը հաղթահարելու դեպքում կվերադառնանք բասկետբոլային բարձր հարթակ։ Ինչ վերաբերվում է Ադրբեջանի դեմ մրցավեճին, ապա այն կարելի է համարել 2021 թվականի ամենասկզբունքային դիմակայությունը։ Բասկետբոլում ինչպես նաեւ ֆուտբոլում, Հայաստանի ու Ադրբեջանի ազգային թիմերի մակարդակով որեւէ հանդիպում տեղի չի ունեցել։ Ուստի Հայաստան-Ադրբեջան հանդիպումը պատմական լինելուց զատ պետք է դառնա մեր մեծ հաղթանակի սկիզբը։
Լիահույս ենք, որ կարեւորագույն հանգրվանում Քալամյանի գլխավորությամբ մեր ազգային թիմը կարդարացնի երկրպագուների սպասելիքները։