2021 թվականին տրանսֆերային հարթակում մեզ համար տեղի ունեցան նշանակալի իրադարձություններ։ Իրադարձություններ, որոնք զգալիորեն բարձրացրին հայկական ֆուտբոլի վարկանիշը։ Եվ այսպես, անցյալ տարվա մայիսին Հայաստանի ազգային հավաքականի կենտրոնական պաշտպան Վարազդատ Հարոյանը երեկ երկու տարվա պայմանագիր կնքեց Իսպանիայի Լա լիգան ներկայացնող «Կադիսի» հետ։ Նույն ամսին հայազգի դարպասապահ Մանուել Նազարեթյանն իր առաջին պրոֆեսիոնալ պայմանագիրը կնքեց ֆրանսիական հեղինակավոր ակումբներից՝ Մարսելի «Օլիմպիկի» հետ։ Այսօր ունենք միանգամայն դրական պատկեր, մասնավորապես եվրոպական ակումբային ֆուտբոլի կտրվածքով։ Եվրոպական թոփ 5 առաջնություներից (Իտալիա, Իսպանիա, Անգլիա, Ֆրանսիա, Գերմանիա) չորսում Հայաստանի ազգային հավաքականն ունի ներկայացուցիչներ։ Իտալիայի Ա սերիայում ընթացիկ մրցաշրջանում կայուն ելույթով աչքի է ընկնում Հայաստանի ազգային հավաքականի ավագ Հենրիխ Մխիթարյանը։Գերմանական Բունդեսլիգայում Հայաստանը ներկայացնում է Սարգիս Ադամյանը, որը ելույթ է ունենում «Հոֆենհայմում»։ Դեռևս 2020 թվականի դեկտեմբերին Իսպանիայի լա Լիգայում նորամուտը նշեց «Լևանտեի» 20-ամյա կիսապաշտպան Էդգար Սևիկյանը։
Մամուլում տեղեկություններ էր տարածվել, որի համաձայն՝ Հայաստանի ֆուտբոլի ֆեդերացիան բանակցում էր այս ֆուտբոլիստի հետ և ՀՀ քաղաքացիություն ստանալուն պես Սևիկյանը պաշտոնապես պետք է դառնար Հայաստանի ազգային թիմի ֆուտբոլիստ։ Սպասում էինq, որ աշխարհի առաջնության ընտրական փուլի աշնանային հատվածում Սևիկյանը կմիանա Հայաստանի հավաքականին բայց․․․։ Այս ֆուտբոլիստը հրավիևվեց Ռուսաստանի երիտասարդական հավաքական և մասնակցեց մի քանի պաշտոնական հանդիպման։ Այնուամենայնիվ, չի կարելի բացառել, որ Սևիկյանն մոտ ապագայում կկրի մեր ազգային թիմի մարզապաշպիկը։ Ուրախալի կլինի, որ Հայաստանի հավաքականում ելույթ ունենան երկու ֆուտբոլիստներ իսպանական Լա լիգայոից։ Անցյալ տարվա ապրիլին Մեկ Ֆրանսիայի Լիգա 1-ում ելույթ ունեցող «Նանտում» հայտնվեց կիսապաշտպան Գոռ Մանվելյանը։ Նա մինչ այս ելույթ էր ունենում «Նանտի» երիտասարդական թիմում, սակայն արդյունավետ ելույթներից հետո պրոֆեսիոնալ պայմանագիր կնքեց հիմնական թիմի հետ։ Այս տարվա հունվարի 2-ին նա նորամուտը նշեց «Նանտի» կազմում։ Մանվելյանի՝ Հայաստանի հավաքականին միանալու վերաբերյալ դեռևս տեղեկություններ չկան։ Նախօրեին մամուլում տեղեկություն էր տարածվել, որ Մանվելյանի երազանքն է կրել Ֆրանսիայի հավաքականի մարզաշաիպիկը։ Երեկ սակայն, հայ ֆուտբոլիստը հերքել էր այդ տեղեկությունը։ Մասնավորապես, Մանվելյանը հայտարարել էր, որ հավաքականում ելույթ ունենալու վերաբերյալ որոշում կկայացնի այն ժամանակ երբ լինի հստակ առաջարկ։ Կարծում ենք՝ այս ֆուտբոլիստը Հայաստանի ազգային թիմի գլխավոր մարզիչ Խոակին Կապառոսի տեսադաշտում է և նրան ևս կարելի է համարել մեր գլխավոր թիմի իրական թեկնածու։ Փաստորեն հայ ֆուտբոլիստը չկա թերևս Անգլիայի Պրեմիեր լիգայում։
Այսօր կան իրական նախադրյալներ, որ մոտ ապագայում Հայաստանի ազգային հավաքականում ելույթ կունենան միանգամից 7-8 ֆուտբոլիստներ Եվրոպական փոփ առաջնութուններից։ Ուրախալի է, որ այս պահին թոփ 5 լիգաներում հայտավորված Սևիկյանը, Նազարեթյանը և Մանվելյանը, ընդամենը 19-20 տարեկան են և ունեն հնարավորություն ամրապնդվելու աշխարհի ուժեղագույն առաջնություններում։ Հայաստանի ազգային հավաքականում անցկացրած գերազանց հանդիպումներից հետո տեղեկություն էր տարածվել, որ իսպանական տիտղոսակիր ակումբներից «Սևիլիան» հետաքրքրված է «Արարատ-Արմենիայի» կիսապաշտպան Ժիրայր Շաղոյանի ծառայություններով։ Տեղափոխությունը սակայն տեղի չունեցավ։ Չի բացառվում, որ ապագայում Հայաստանի հավաքականի գլխավոր մարզիչ Խոակին Կապառոսի ջանքերով այս ֆուտբոլիստը ևս հայտնի Լա լիգայում։
Նշենք, որ Վարազդատ Հարոյանը «Կադիսի» հետ պայքամանգիր էր կնքել իսպանացի մասնագետի անմիջական ջանքերով։ «Ազգային հավաքականի վերջին հանդիպումներից հետո Խոակին Կապառոսն ինձ հարցրեց՝ արդյո՞ք կցանկանամ հանդես գալ Իսպանիայի Լա Լիգայում։ Ես պատասխանեցի՝ այո, շատ։ Նա ասաց, որ կօգնի ինձ այդ հարցում: Կապառոսի ներդրումն այս տեղափոխության հարցում շատ մեծ է․ հենց նրա միջնորդությամբ «Կադիսում» իմացան իմ մասին: Դրանից հետո զանգահարեցին ինձ և պայմանագիր առաջարկեցին։Շնորհակալ եմ Խոակին Կապառոսին և բոլոր այն մարդկանց, ովքեր ինձ օգնեցին այս տրանսֆերի հարցում: Շատ ուրախ եմ, որ դառնալու եմ այդ թիմի մասնիկը։ Միշտ երազել և հավատացել եմ, որ կարիերայիս մի հատվածում հանդես եմ գալու որևէ թոփ առաջնությունում»,- ՀՖՖ-ին տված հարցազրույցում ասել էր Հարոյնաը: