Ինչպես անցյալում, այնպես էլ հիմա TotoGaming ընկերությունը ձգտում է մշտապես լինել հայկական սպորտի կողքին։ Նպատակն է հնարավորինս աջակցել մարզաշխարհի ներկայացուցիչներին։ Սա արդեն վաղուց կայացած ավանդույթ է, որն ունի շարունակական բնույթ։
Սույն տարվա ապրիլից ընկերությունը սկսեց հովանավորել հունահռոմեական ոճի ըմբիշ Միհրան Հարությունյանի մարզական գործունեությունը։ Սիրված մարզիկն այցելեց ընկերության գրասենյակ, հանդիպեց TotoGaming-ի գործադիր տնօրեն Հարություն Վարդանյանին, կիսվեց իր մտահոգություններով և առաջարկներով։ Արդյունքում որոշվեց, որ TotoGaming-ը մեկ տարի տևողությամբ ֆինանսական աջակցություն կցուցաբերի Միհրանի մարզական գործունեությանը։ Ինչպես նշվեց, գաղափարը մեկն է՝ սատար կանգնել հայ մարզիկներին։ Դեռ ավելին, Միհրանի օժանդակությամբ և մասնակցությամբ TotoGaming-ը պատրաստվում է իրականացնել մի շարք սոցիալական նախագծեր, որոնք կրկին միտված են խթանելու սպորտի և առողջ ապրելակերպի տարածումը Հայաստանում։
