Դորտմունդի «Բորուսիա»-ի գլխավոր մարզիչ Յուրգեն Կլոպը պատմել է Գերմանիայի Բունդեսլիգայում Մյունխենի «Բավարիա»-ի հետ դիմակայության մասին:
«Մեկ առանձին խաղում մենք կարող ենք հաղթել նրանց, բայց «Բավարիա»-ն ունի զենքի բոլոր տեսակները: Այդ թիմը պատրաստ է արձագանքել բացարձակապես ամեն ինչին, որ կատարվում է ֆուտբոլում:
«Բավարիա»-ն պահեստայինների երկար նստարան ունի, ինչպիսին կցանկանային ունենալ աշխարհում մյունխենցիների բոլոր մրցակիցները: Դա շատ դժվարին է դարձնում «Բավարիա»-ի հետ պայքարող ակումբների խնդիրը, որոնք նրա հետ հանդես են գալիս միևնույն առաջնությունում:
Թիմերի համար, ովքեր հանդիպում են նրանց հետ տարին 1 կամ 2 անգամ, դա նշանակություն չունի, բայց մենք մշտապես գտնվում ենք մյունխենյան թիմի հետ համեմատությունների մեջ: Սա դիմակայություն է, որում հնարավոր չէ հաղթել մեծ հեռավորության վրա»,- ասել է գերմանացի մասնագետը:
