«Մոնակո»-ի հարձակվող Ռադամել Ֆալկաոն դիմել է ակումբի ղեկավարներին` ձմեռային տրանսֆերային պատուհանի ժամանակ այլ ակումբ տեղափոխության թույլտվություն ստանալու խնդրանքով: Այդ մասին հայտնում է Le 10 Sport-ը:
Կոլումբիացի ֆուտբոլիստի հիմնական պատճառաբանությունն աշխատավարձի նվազումն է: Խոստացված տարեկան 14 մլն եվրոյից նա ստանում է ընդամենը 7 մլն` բարձր հարկերի պատճառով:
Հարձակվողի ծառայություններով հետաքրքրված է Լոնդոնի «Չելսի»-ն: «Մոնակո»-ն պատրաստ է զիջումների գնալ, սակայն միայն այն դեպքում, եթե նրա տրանսֆերի դիմաց 80 մլն եվրո ստանա: Լոնդոնյան ակումբը չի կարող այդքան գումար ծախսել: Հավանաբար, կողմերին երկարատև բանակցություններ են սպասվում:
