ՔԿՀ-ներում ուսումնասիրություն իրականացնող դիտորդական խումբը արձանագրել է, որ ՔԿՀ-ներում նախորդ տարիների համեմատ ներքին ծառայությունների գներն աճել են։ Թանկացել են հեռախոսը ՔԿՀ անցկացնելու, պահելու, բուժսպասարկման, քաղաքացիական հիվանդանոց տեղափոխվելու, մետադոնային բուժման, գումարային խաղերի մեջ չընդգրկվելու ծառայությունները։ Օրինակ՝ եթե նախկինում բջջային հեռախոսը ՔԿՀ բերելու համար պահանջվում էր 10-15 հազար դրամ, ապա հիմա՝ 30 հազար, իսկ սմարթֆոնների դեպքում՝ մինչև 50 հազար դրամ։ «Առանձին վճար է սահմանված նաև հեռախոսը ՔԿՀ-ում պահելու համար։ Բջջային հեռախոսից ավելի թանկ է թմրանյութը ՔԿՀ անցկացնելը, խցից խուց տեղափոխվելը»,- ասաց Սարգսյանը։
Դիտորդական խմբի անդամի խոսքով՝ պետք է մեղավորներին պատասխանատվության ենթարկել, որպեսզի հաջորդիվ դեպքերը չկրկնվեն։ «Զուտ հայտարարություններով չի լինի, պետք է հստակ քայլեր ձեռնարկվեն»,- ասաց մեր զրուցակիցը։
Առավել մանրամասն՝ տեսանյութում:
