G7-ը կուսումնասիրի ռուսական սառեցված ակտիվներից ստացվող ապագա եկամուտներն օգտագործելու ուղիները պատերազմից տուժած Ուկրաինայի ֆինանսավորումը խթանելու համար, շաբաթ օրը հայտարարել են Յոթնյակի արդյունաբերական դեմոկրատական երկրների ֆինանսական ղեկավարները, սակայն մանրամասներ չեն ներկայացրել։ Այս մասին գրում է Reuters-ը:
G7-ը և նրա դաշնակիցները սառեցրել են մոտ 300 միլիարդ դոլարի ռուսական ֆինանսական ակտիվներ, ինչպիսիք են հիմնական արժույթները և պետական պարտատոմսերը՝ 2022 թվականի փետրվարին Մոսկվայի ներխուժումից անմիջապես հետո:
«Մենք առաջընթաց ենք արձանագրում մեր քննարկումներում հնարավոր ուղիների շուրջ՝ արտասովոր շահույթն առաջ բերելու նպատակով, որը բխում է անշարժացված ռուսական ինքնիշխան ակտիվներից՝ ի շահ Ուկրաինայի»,- ասել է G7-ի ղեկավարները:
Նշվում է, որ Միացյալ Նահանգները դրդում է G7-ի իր գործընկերներին՝ Ճապոնիային, Գերմանիային, Ֆրանսիային, Մեծ Բրիտանիային, Իտալիային և Կանադային՝ աջակցել վարկի տրամադրմանը, ինչը մոտ ապագայում Կիևին կարող է ապահովել մինչև 50 միլիարդ դոլար աջակցություն:
