Ավելի քան 10,000 ապաստան հայցողներ այս տարի փոքր նավերով ժամանել են Բրիտանիա, տեղեկանում ենք կառավարության ներկայացրած վերջին տվյալներից։ Այս հանգամանքն ընդգծում է վարչապետ Ռիշի Սունակի առջև ծառացած հիմնական մարտահրավերը, իսկ առջևում՝ հուլիսի 4-ին, համապետական ընտրություններն են, գրում է Reuters-ը։
2023-ին Անգլիայի հարավային լողափեր վայրէջք կատարած մարդկանց թիվը նվազել է մեկ երրորդով, սակայն կառավարական կայքէջի վերջին թվերը ցույց են տվել, որ հունվարից մայիսի 25-ն ընկած ժամանակահատվածում ժամանել է 10,170 մարդ՝ նախորդ տարվա նույն ժամանակահատվածի 7,395-ի դիմաց:
«Մենք շարունակում ենք սերտորեն աշխատել մեր ֆրանսիացի գործընկերների հետ՝ անցումները կանխելու և կյանքեր փրկելու համար»,- ասել է Ներքին գործերի նախարարության խոսնակը՝ ի պատասխան թվերի աճին:
