Հայտնի շվեդ ֆուտբոլային մարզիչ Հանս Բակեն բավականին անմիջական հարցազրույց է տվել շվեդական TV4 հեռուստաալիքին:
«Նյու Յորք Ռեդ Բուլս» թիմի նախկին մարզիչը ևս մեկ հարված է հասցրել Լիոնել Մեսսիի հեղինակությանը: Մասնագետը հղում է կատարել շատ հավաստի աղբյուրների, որոնք նրան պատմել են 2009/10 մրցաշրջանում տեղի ունեցած շատ տհաճ միջադեպի մասին:
«Այս աստղերը Աստծո որդիներից լավագույնները չեն: Դեպքը տեղի է ունեցել ֆուտբոլային հանդիպումից երեք ժամ առաջ, երբ խաղացողները հավաքվել են ընթրելու: Այդ ժամանակ Մեսսին ասել է, որ ցանկանում է «Կոկա Կոլա» խմել, սակայն Պեպ Գվարդիոլան արգելել է նրան դա:
Մեսսին կանգնել է, հեռացել սեյնակից ու որոշ ժամանակ անց վերադարձել մեկ շիշ հյութով, որը ցուցադրաբար խմել է Գվարդիոլայի ու ամբողջ թիմի աչքի առաջ:
Ինքներդ կարող եք հասկանալ, թե ինչպիսի ծանր հարված էր դա մարզչի համար: Դա մի պատերազմ էր, որում Գվարդիոլան չհաղթեց:
Եթե իմ այս խոսքերի համար դատարան դիմեն, ոչինչ, ես շատ ծանոթ փաստաբաններ ունեմ»,- ասել է Հանս Բակեն TV4 հեռուստաալիքի եթերում:
Ենթադրվում է, որ հավաստի աղբյուրները «Բարսելոնա»-ի նախկին խաղացողներ Թիերի Անրին ու Ռաֆայել Մարկեսն են եղել, ովքեր «Նյու Յորք Ռեդ Բուլս»-ում աշխատել են Բակեի գլխավորությամբ:
