Արտաքին քաղաքականությունը պետք է ծառային տնտեսական խնդիրների լուծմանը, ներդրումներ բերելուն, ինչպես նաև անվտանգությանը, սակայն հաշվի առնելով ձախողումներն ու արդյունքները, կարելի է ասել՝ արտաքին քաղաքականությունն իր նպատակին երբեք չի ծառայել, մեր սուվերենության աստիճանը նվազել է, մենք մեր տեղն ու դերը կորցրել ենք միջազգային թատերաբեմում տարածաշրջանում,- այս մասին այսօր՝ քարոզարշավի ամփոփիչ ասուլիսին ասց «Օհանյան-Րաֆֆի-Օսկանյան» դաշինքի անդամ, «Համախմբում» կուսակցության նախագահ Վարդան Օսկանյանը:
«Արտաքին քաղաքականությունը ճոճվել է, քաղաքական հենք չեն ունեցել, քամին ինչ ուղղությամբ փչել , այն ուղղությամբ գնացել է»,- ընդգծեց Վ. Օսկանյանը:
Անդրադառնալով առաջին նախագահ Լևոն Տեր-Պետրոսյանի քննադատությանը, նշեց. «Նախ ցավում եմ, որ երկրի հիմնադիր նախագահը շահարկում է Մեղրիի խնդիրը: Դա ես ցավով եմ արձանագրում: Այդպիսի բան չկա, չի եղել և չի կարող լինել: 90-ականներից մի ծրագիր կար, որը գոյություն է ունեցել և՛ 90-ականներին, և՛ 2000-ականներին, բայց ՀՀ որևէ իշխանություն չէր կարող դրան լուրջ վերաբերվել:
Մեր ժողովուրդը մինչև 2008-ը մի քանի բան է ապացուցել, որն այժմեական է ԼՂ հարցի շուրջ տարածվող քննարկմանը՝ հնարավոր է խաղաղություն պահպանել և զարգանալ այս պայմաններում, հնարավոր է արտագաղթը կանգնեցնել՝ 3 տարի ՀՀ-ում արտագաղթը կանգնել է: Այդ բոլորը կարելի է անել առանց դրսից պարտքեր վերցնելու: Այդ տարիներին մեզ հաջողվել է ամրագրել ԼՂ ժողովրդի ինքնորոշման իրավունքը բանակցային փաստաթղթում, և այդ փաստը ընդունել է միջազգային հանրությունը, դա մեր ժողովրդի ամենամեծ ձեռքբերումն է, մեր ժամանակ է դա եղել:
Այնպես որ, վերադառնալով 90-ականներ և ցուցաբերել այս պարտվողական թույլ մոտեցումը, որևէ դրական բան չի կարող ունենալ: Մեր դաշինքում համոզված ենք, որ ռեալ հնարավորություն կա և տնտեսական աճ ապահովել, և արտագաղթը կանգնեցնել, երկրում խաղաղություն պահպանել և ԼՂ հարցում հաջորդ քայլը կատարել՝ ինքնորոշման իրավունքից անցնել ԼՂ անկախության ճանաչմանը միջազգային հանրության կողմից: Դրա ռեալ հնարավորությունը մենք տեսնում ենք»:
Մանրամասները՝ տեսանյութում:
