Միջազգային հակաահաբեկչական գործողությունները Աֆղանստանում, Մալիում, Սոմալիում և աշխարհի այլ հատվածներում թուլացրել են «Ալ-Քաիդա»-ն: Այս մասին նշվում է ՄԱԿ-ի զեկույցում:
«Ալ-Քաիդա»-ն և իր մասնաճյուղերը անջատված են միմյանցից՝ ինչպես երբեք, հետագա միավորման հիմքում ընկած են միայն գաղափարախոսությունը և բռնության ձգտումը»,- ITAR-TASS-ը մեջբերում է զեկույցի հատվածը:
ԱԽ կոմիտեի փորձագետները, ովքեր հետևում են ահաբեկչական ցանցի նկատմամբ պատժամիջոցների կիրառմանը, հայտնում են, որ այն ստիպված է հարմարվել նոր պայմաններին: Խմբավորման ղեկավարներն ավելի շատ ուշադրություն են դարձնում համացանցի միջոցով քարոզչական գործունեությանը և կազմակերպության «հեռահար» հարձակումներին՝ ինչպես, օրինակ, վերջին ամիսներին Բոստոնում, Լոնդոնում, Փարիզում տեղի ունեցածները:
Վերլուծելով աշխարհում տեղի ունեցող հակաահաբեկչական գործողությունները՝ փորձագետները հատկապես ընդգծում են Մալիում ֆրանսա-աֆրիկյան ուժերի և Սոմալիում Աֆրիկյան միության հաջողությունները: