2017թ. խորհրդարանական ընտրություններին հաշված ամիսներ են մնացել, այս օրերին տարբեր քաղաքական գործիչներ խոսում են մեկ ընդհանուր դաշինք կազմելով ընտրություններին մասնակցելու, միասնականցուցակով հանդես գալու մասին: Արդյոք դաշինքները կարող են արդյունավետ լինել, այս հարցին ի պատասխան, «Առաջին լրատվական»- ի հետ զրույցում «Ժառանգություն» խմբակցության պատգամավոր Թևան Պողոսյանը նշեց. «ճիշտ հաշվարկների խնդիր է՝ արդյո՞ք այդ դաշինքները լինելու են կայուն և արդյո՞ք հիմնված է լինելու այն արժեքների վրա, որ պատրաստ են լինելու իրար հետ կիսելով անցնել այդ ճանապարհը: Նույնիսկ եթե տարբեր արժեքներ ունեն, պետք է մեկ ծրագրով հանդես գալ»:
Թևան Պողոսյանը նաև հավելեց, որ ուրախ կլինի, եթե դաշինք կազմվի. «Մեր ազգային պրոբլեմներից մեկն է եղել միասնության խնդիրը»: Պատգամավորի խոսքով՝ մենք միասնական ենք միայն Արցախի խնդրի հետ կապված վտանգի դեպքում կամ Ցեղասպանության հետ կապված հարցերում:
Թևան Պողոսյանի դիտարկմամբ՝ նոր Ընտրական օրենսգրքով քաղաքական դիսկուրսը սպանվեց:
Մանրամասները՝ տեսանյութում: